祝我生日快樂 ^___^v

今年最特別既係....我咁大個女第一次生日o個日返工!
次次我都會請假去玩架:P

而每年許既願多數都係差唔多...
(當然我不會許: "希望世界和平!!" 咁偉大既願望呢...留返俾第2個啦)

今年第一份生日禮物~~~ 係就算上雪山都岩用既 (hehe~多謝晒)
今年第一件生日蛋糕~~~ 居然係餅卡?! 哈哈~ 未食wor

而講返轉頭, 今年要許既願望...嘻嘻, 當然不公開啊~~
(其實咪又係o個d...hahahahahaha)

=================

講下心境啦~ 2x歲女啦 (識我既, 知就算啦...唔熟我既, 估個細d既數當幫忙啦...)
隨著時間既流逝....真係有唔少既轉變

我覺得...我想要既, 並唔係我一直以為既咁簡單
而且好經常都不滿於現狀
(但又唔力求上進 -0-)

有人話出到社會工作既女性, 會'錢'字行頭

我就覺得, 除左'錢'(財富)好重要之外
無論 家庭 健康 事業 感情 都係咁重要
所以我既要求就係 財富 家庭 健康 事業 感情 都一齊排第一!!!

咁係咪貪心左dd呢 :P

=================

又大一歲啦~~~ 只係睇個歲數既話... 真係唔經唔覺又一歲
但係諗真D, 呢一年裡面, 發生既事其實有好多, 好多...

經歷左咁多...暗地裡可能成長左D
但我發現我既人生好似多左更多疤痕.....
人生又灰咁d添
(扮緊多愁善感呀~~~~)

=================

返黎返黎~~~~今日應該係開心既日子
因為o係2x年前, 今日係我出世既大日子

o黎~~~跟我大聲d講一次:
"生日快樂!!"

再加個微笑咁就perfect, 哈哈^-^~