印度「神手包裝員」 示範華麗又誇張的打包技巧

http://hahajetso.blogspot.com/2011/06/blog-post_05.html

真係好勁.....嘆為觀止呢!

[轉] 程式設計師的悲歌

各位同行, 有無同感, 有無同感啊!??!?!?!!!!! >口<~~~++!!!

哈哈~ 其實有時就好似同一個唔識英文既人溝通咁
好多時香港人就習慣o係講野既句子入面, 加插d英文字

就好似:
(1) "你明唔明? 你要中point先有用!" <--呢度就用左個point字啦
(2) "我lunch想食salad..." <---lunch, salad

所以同唔識英文既人溝通時, 就要好留意,
如果唔係人地隨時唔知你講緊乜!

而我地programmer既悲哀都係異曲同工啦
反而, 大家都唔識program....仲易d去溝通:



唉...唯有...是但啦......

[轉] 會議紀錄

呢件事係經常發生架...
多數開會, 大家既習慣都會帶紙筆

但真係記低既野....又少之又少wor
(我都係其中一個....可能仲訓埋添....Orz....)

但....講返轉頭

有d同事....一隻字都無寫, 個樣好似心不在焉咁
但係, 佢可以講返成個回既重點出黎...
真係...佩服佩服!!!!!!!!! >.<~~!!!

[轉] 校園內的手動推銀機

以前, 有一排經常都去'冒險樂園'
發現總係有幾個上左年紀既人o係度好專注咁玩推銀機

而我玩左一次之後都上晒癮

明明掉左個銀入去, 但又未必可以推到入面d銀
入面d銀又好似全部危危乎...但又硬係唔掉落黎

所以就會有人推機啦,撞機啦
覺得咁樣可以令佢地掉多d落黎

玩多幾次甚至覺得呢d係有技巧

放銀既時機要看準
放銀既位置要計算

總之越玩越覺得呢個係一門好高深既學問一樣...
越踩越深....

點都好, 我諗大家就算玩過n次推銀機
都絕對無玩過以下呢種.....

(注意: 記得開大喇叭聽佢地講咩...真係連'撞機'都用埋)



真係大開眼界呀 XDDDDD

[阿呢] 鐵板餐

提子小記

其實我唔多去鋸扒
唔係唔鍾意食, 只係唔想成餐都係肉...(老啦~)

咁有時同朋友一齊去鋸扒
真係好難決定食牛扒定係雜扒...十五十六...

講真雞扒都好好...但硬係覺得雞扒太平啦...唔抵 :P

而如果揀牛扒, 我會要求8成熟架
話時話...我真係好佩服D人叫3成(左右)熟...
(識我既人都知我唔鍾意血淋淋...唔通叫我'片'皮食...)

講返...如果最後揀左雜扒,
上到黎我又會好開心wor, 乜都有嘛 (大唔透...)

好喇...咁近期食o個2次...
我發現我又有新野想要...呢樣野有d搞笑...

就係當佢幫我淋上蒜汁既時候(我唔多鍾意黑椒汁, 所以多數會唔揀佢)...
我好希望叫返碗白飯黎食...hahahahhahahahaha

睇黎我越黎越離唔開粉麵飯啦XD~~~~

[阿呢] 冬天褸...

其實香港既冬天真係唔係咁凍架咋
人地外國真係凍既...一間屋最少要有3個暖爐

香港又唔係真係咁凍jei...
所以著厚褸既機會並唔係咁多

但係...實在太多太多誘惑...
無論男女...行出條街...都有太多靚褸向自己招手

每年總會意志薄弱咁買左d新成員...-__-|||

只係著得o個幾次...唔通掉左佢地咩...
所以一換季, 佢地就好可憐咁迫o係一個越黎越無位既衣櫃長眠....
(不過話時話...第2年拎出黎掛起攤返兩三日...咪無晒d臭丸味lor...)

有時覺得係唔係應該狠心d, 掉剩3件最鍾意既...
但係到e+都狠唔起呢個心...都唔知點算 >_<

(搞到e+唔敢去睇衫...)

[阿呢] 冷衫靜電

冬天咁凍, 我都會著返d冷衫
有時換衫...除o個時o個d靜電聲...都幾誇張架

自從我整直左d頭髮之後, 除冷衫呢...
d頭髮並唔係樹起晒, 而係痴住晒塊面 -_-#
好煩架...

有次呢, 屋企熄晒燈
我臨訓除冷衫wor...咁呢, 又係超多靜電
每一個靜電, 都閃出一個白色既火花
因為我無戴眼鏡, 望到d火花, 都好似煙花咁散開
哈哈~都幾得意架...

不過萬一被電到...都真係有dd痛架...
但如果要電死仔豬...好似太離譜啦...

[阿呢] 瀨床

以前返學時期, 我不嬲都好知醒
總之個鐘一響, 3 mins 內, 就已見到我已經起左身

一年內既失敗個案都唔會多過10次


後來.....
自從唔知邊度聽返黎話每朝醒左之後,
要合埋眼平睡放鬆2~3min, 等個人真係醒左先起身, 咁樣對身體好d..

我就白白痴痴跟住做

但呢2~3mins...就係最天人交戰既時刻
試問俾個鬧鐘嘈醒之後...俾我再合埋眼...仲要再平訓...仲要放鬆...
點會唔訓返啊!??!?!?!! XD

所以好易O係衰O係呢2~3min...

到後來....進化到...
鐘響 -> (潛意識)按熄佢 -> (潛意識)合埋眼+繼續訓 -> 自己醒 / 被屋企人發現再叫醒 -_-#

[阿呢] 枝竹羊腩煲

重複又重複咁講...我係一個鍾意食熱野多d既人
可能因為咁, 我唔一定要冬天先鍾意食煲類既美食

就好似呢個枝竹羊腩煲....我就一年四季都覺得好好味~~~

o係呢個煲入面, 我最鍾意就係食o個d入晒味既枝竹...
而馬蹄呀~~生菜我都好鍾意 >3<~~~ (羊腩呢~~ 一兩舊就夠啦, 哈哈)
呀~~仲有d汁用黎撈飯又係好正~~~~一流~~~!!!

如果平時叫煲, 我仲鍾意o都o都雞煲, 好滑, 好好味呀!!!
仲有金菇肥牛煲...哎呀, 諗起都想食呀...(流口水...@q@)



講講下煲, 我就諗起煲仔飯

仲記得n年前既一晚, 去左廟街...第一次食滑牛飯...

上菜時, 佢成個煲連蓋上, 見到佢擺左一隻蛋o係個蓋上面
以為咁搞笑..."滑蛋"原來係烚蛋?! <--以為隻蛋已熟

好彩身邊既朋友救左我....佢話左俾我知隻蛋係生既...

當時仲傻下傻下以為佢呃我...."生既? 玩咩...? 點會呀...." <--白痴

後來先知係開蓋之後, 打隻生蛋入去,
攪動d飯時, 靠煲入面既熱...整熟埋隻蛋


到e+, 印象中好似之後都無再去廟街食滑牛飯
而呢個回憶中的滑牛飯, 亦一直我覺得最好味既煲仔飯! ^__^v

[阿呢] 旅遊書

'要行萬里路何等容易'

係lor係lor! 但我無錢又無假lor...

我次次返屋企呢, o係度等lift, 個看更有時都會同我傾偈

佢有好幾次都問我點解唔見我去旅行

唉, 問到我個心都有少少無奈
其實我都幾想去旅行架, 尤其我好鍾意周圍行 >.<

但係真係好難請假嘛...

跟住佢又會話...星期六日去2日1夜, 唔駛請假呀~~~

"鬼唔知啊!??!!?"

但係我個人呢....都唔知係唔係身體孱弱過人
自細就不能通頂...每日必須瞓多過7 hours

就算訓夠都係好易累的...

如果玩足2日...星期一即刻去返工...會係咩情況呢...?!

我諗我應該直接轉工去海洋公園...同安安佳佳一齊...做熊貓!

.@.@. 男人和女人

挺可愛的漫畫，簡單但很有道理

男性朋友看完多少應該會有些羞愧

女生呢?? 應該好好思考自己跟另一半的相處模式，

畢竟大部份的好男人是訓練出來的

====

睇完...覺得唔係全對...
但覺得係用一個輕鬆的方法去表達道理

係好值得令任何人反思的道理 :)

[阿呢] 揀衫

其實有時睇衫呢, 見到一d好靚好靚, 又好鍾意既衫...
就會忍唔住去買左佢返屋企

但...其實自己既style唔係咁樣
而且返正著到咁靚...想點?!

o係完全無'合適'既機會/場合著呢件靚衫既情況下...

佢既命運...就會留o係我衣櫃
一季又一季咁過去....

直至我發現佢 -> 試著 -> 驚嘆 -> 再收埋.... -___-|||




所以...e+俾錢買衫前一刻,
一定要諗清楚有無機會著呢件衫先

如果唔係...又害了一件靚衫了 T ~ T

兩星伴月, 天上的微笑

要放大先睇到

好鍾意上山頂, 上埋最高o個度, 好好地望住個天...
亦好鍾意海訪, 好好地望住個海

望住個天, 會覺得自己其實好渺小
有d未能釋懷既唔開心都變得唔係咁重要

望住個海...可以散散心, 最少可以透透氣


所以, 如果真係親眼望到呢個奇境...
我諗我會, 由心度, 微笑出黎 :)

[轉] 咁少飯邊夠食呀...

笑c我....XD....

自家海報製作

嘩~~~我變左超正既海報呀, hahahahahaha~~~~

大家都一齊黎玩下啦:

http://www.photofunia.com/

(o係公司差d爆笑左出黎, 太白痴啦...XD)