[食評] 灣仔 - 大婆牛肉麵

今次係第2次幫襯...
其實感覺上灣仔係應該有好多野食先係
但次次經過灣仔覓食都唔知食咩好咁 一.一|||
(有無高人肯介紹幾間俾我?)

前2日有d要事要去灣仔,
咁去到晚飯時間就周圍搵野食...

無得揀之下...又去左 大婆牛肉麵

oY...一間唔算大既舖位, 都有D梳化位架...
算係坐得舒服, 唔係好迫咁啦

服務一般, 不過不失...

食物方面,

我地叫左個大婆餐:
包2碗主食(麵/飯O個D), 2個餸, 一個菜, 2杯熱飲(or凍豆漿)


咁我地就揀左2碗大婆牛肉麵,
1碟胡椒豬手, 1碟涼拌青瓜, 1碟炒娃娃菜
叫埋豆漿同埋熱薑母茶

大婆牛肉麵
每碗得2塊厚牛展 + 2舊牛根
感覺好似唔夠餸咁bor...同佢d海報既圖根本差天共地

胡椒豬手
得3舊...一般好味咋...

涼拌青瓜
辣辣地, fresh既feeling, 反而幾好

炒娃娃菜
不過不失掛....都係咁架啦

豆漿 - 我無飲, 哈哈

薑母茶
痴線, 超甜的!!!!
我仲諗住暖下個胃會好舒服...
點知甜到咁....-_-##

價錢: $125 (唔駛加一)

不過...如果我記得今次呢餐的話, 應該唔會再黎lu!

無聊又順便講下...我好討厭呢間野既名...:P