食評: 沙嗲王 Satay King (銅鑼灣)

尋晚光顧沙嗲王

其實o係幾年前幫襯過, 印象不太好...
不過都試多次啦...

上到去...環境都唔錯wor, 裝修得幾有印度既感覺(個人觀感)

同reception姐姐講要卡位
佢即黑面話"煩忙時間要搭枱!" (扣分啦唔該...)

之後點菜=>上菜

其間要追單2次...
可能有d侍應係暑期工, 好唔熟手...
有個侍應仲離譜, 同佢講廣東話都唔明,
自己倒瀉到成地都係, 都唔抹?! 要我地叫人黎先抹(無晒分啦...)

食物
白咖喱豬扒飯 - 都算幾好味架, 白咖喱有好香既香矛味, 豬扒都幾淋

沙嗲牛肉粉絲 - 好大碗, 不過無咩特別咁, 辣辣地咁
奶油津白 - 有臘腸, 不過不失
牛油雞翼 - 幾好味, 不過食唔到牛油味wor...
(??)炒蟶子 - 成大碟都係殼, 仲要激多油...少食少食為上

最後每人送一粒薄荷糖...同埋一d coupon, 仲有一支XO沙o爹醬...(有返d心思)

Total - $187

我諗下次都未必考慮呢一間了...