無聊低能賊仔

今日做左次低能賊仔...真係超低能 = ~ = |||

話說我返工係返23樓既...入lift時只有人按21, 23 & 26
咁我諗住21樓o個個出左之後, 再上去就係我啦

門一開, 我就行左出去...左望右望覺得好似好唔對路
再睇下幾樓(明明無人按22樓...)...我居然o係22樓!!!! *口*!

因為呢度等lift都幾慢 (尤其返工時間...)
所以決定行樓梯上去 (返工3個月第一次行樓梯)

低能的地方...要行樓梯居然有2道防煙門咁多!!! 痴線...
第2道門仲要有o個d寫明走火通道, 唔好亂開門既橫杆門柄 (有無人明我講乜)

以前都見過呢d, 有理無理照開門係無事既

點知我推開第2道門....此時...就在此時!!!!

好恐怖的bi~bi~bi~聲...超大聲咁連續響起 =口=|||

我就好似做賊咁走返出去 (好驚!!!)
頂...佢仲要有閉路電視架... (紀錄在案了啦?!)

有理無理按lift, 上返我既23樓
逃也似的坐o係自己位度喘氣...

咁...10 min過去, 平靜返之後....行出去toilet (toilet在公司外)
居然仲聽到恐怖的bi~bi~bi~聲(樓下的)持續著....................一.一