食評: 吉壽 (中環)

post左咁多篇既"打極通脹"...
終於膽粗粗去試其中一間【中環　百幾蚊任食魚生】

For details, please refer to ...
http://raisin-bread.blogspot.com/2008/08/blog-post_27.html

去之前當然有做咁dd功課...就係睇埋openrice
所以都知間野應該幾細...

間野既位置都幾...唔方便, 咁出左mtr(D2出口)都要行8-12 mins先到
上到7樓咁由其中一個waiter帶入位...oh...table真係幾細的說....
(望去第2 d 位...有d人仲要坐摺櫈, 間野都...幾迫下

但我無諗過連服務都...幾一般.../ _ \|||

有個waiter用極速既'廣東話'講
"呢個係buffet黎既, 咁包無限次飲品,
有百事, 無糖百事, 提子汁, 橙汁同埋七喜,
請問想要d咩呢?"

問題係...佢有d"痴脷根", 以上既野, 我諗佢用2-3秒背晒出黎
聽左3次...先終於聽得明講咩 (仲要加d聯想)

原來全部都係汽水...
要左提子汁, 2mins後話無晒提子汁...
再過一個hour後連橙汁都無埋...(唉...好彩佢都有熱茶)

叫野食既方法係寫order紙...佢有好多item, 咁寫1就一件, 10就會黎10件

食物方面反而唔錯wor!
咁佢有魚生, 壽司, 手卷, 炸物, 燒物, 熱食, 鍋...仲有好多其他野食

魚生都算好新鮮,
三文魚, 吞拿魚, 甜蝦, 赤貝, 北寄貝, 墨魚..., 玉子 (唔想數了...)
好似叫左3次呀...哈哈

咁當然天婦羅(我就鍾意蝦同埋南瓜), 好好味,
仲有吉列食物, 吉列蠔就一般了, 吉列都唔錯

仲有一樣好值一提既係
北海道海鮮牛乳鍋, 同埋個牛肉鍋 真係好好味
話說前幾個星期去過cwb既一生任食...
一生任食既海鮮鍋就太多水, 睇落成鍋都係水...-_-
牛肉鍋都好d既...但係同呢間吉壽就真係無得比
吉壽仲打左隻生蛋落去, 好味到食完再叫多次!
北海道海鮮牛乳鍋香滑, 可能係用細d既鍋上
所以感覺內容好豐富:)

熱食都有好多架...有個焗青口都幾好味, 值得推介
有炒雜菜(無食), 牛油炒雜菇(唔錯), 有魚(無食)...

燒物呢...好似叫過串燒牛肉同埋雞翼...不過不失掛

全場令我最印象深刻係有其他客人o係度慶祝生日
咁間野會播生日歌, 仲有個花型壽司"蛋糕",
超正呀, 佢點左蠟蠋時會開花架!!!
好特別, 如果要慶祝生日, 呢個"蛋糕"真係幾surprise的!!


我地由6:50...食到8:10, 又飽到唔郁得了, 哈哈
(佢8:05開始就黎收錢, 因為佢地要準備下一場)

東亞信用卡有95折優惠 (但加一以原價計算)

平未算好平
但係食得開心先最緊要, yeah!!!

圖片 from openrice...