中秋節快樂 - 食月餅至緊要叮!

我好鍾意食月餅架~
好多人都覺得傳統月餅好"漏"
女孩子更加避之則吉 (我其實...都係女架XD)

可能我媽咪鍾意食甜食, 有少少影響到我
自細我都好鍾意食傳統月餅, 要蓮蓉餡, 單黃雙黃都無所謂

但係呢個世界除左有天才發明左月餅
仲有天才發明左微波爐!!!!
佢地簡直食絕配呀!!! (不如俾佢地結婚啦~)

最鍾意美心月餅, 叮20秒(底向上), 再翻過黎(面向上)再叮20秒

嘩, 未切開就已經香噴噴~~~~
切開更加不得了! D蛋黃同蓮蓉既香味四溢,
食落真係好味到一個人可以食半個!

不過講真, 食咁多月餅, 腸胃都會抗議架!
所以都要食多D生果balance返~
我就最鍾意食梨~ 話時話, 呢排都食多好多梨, 嘻嘻!



o係度祝大家中秋節快樂~
學返句: 家好月圓慶中秋 ! ^o^